Video Mau Mau de Bap 2024 Cristiana Lyrics

Bap - Mau Mau Lyrics

1) Et jitt e Spill, dat – gläuv ich – jeder kennt,
vun dämm et heiß: „ Dä Dömmste jewennt „ :
Ahm besste ess, wenn du zwei Sibbener häss,
dozu zwei Buhre ... verjess dä Rest ... Mau-Mau ... Mau-Mau

2) Vun wäje „ Dame, König oder Ass „,
nur die Kaat zählt, die op die vorije pass.
Läät einer `n Sibbe, trick dä nächste zwei
un für sing Buhre hätt mer Wünsche frei ... Mau-Mau ... Mau-Mau

Refr.: Mau-Mau ess wie et Lääve, Mau-Mau ess `ne Flooch,
vun Kind ahn kritt mer dovun nit jenooch,
weil einem sons nix jrooß övvrich bliev.
Mer spillt Mau-Mau, weil et die Zick verdriev.
Mau-Mau ess Blöfferei, „ Kismet ... laach dobei !! „
Mau-Mau ess Glöcksaach, nit e bessje fair,
jraad weil et einfach ess, off furchbar schwer.

3) Na klar, Mau-Mau hätt nix zo dunn met Schach
wer keine Spaß verdräht, kritt janz flöck Krach
Für Mau-Mau bruchste‘e Poker-Face
domet du nit ding leezte Kaat verrööts ... Mau-Mau ... Mau-Mau

Vun der hängk alles aff, nur eins ess link:
wenn einer Sibbener un Buhre zink.
Mau-Mau ess Einsamkeit, wenn du nit weiß
met welcher Kaat du dich ahm besste stehs...Mau-Mau...Mau-Mau